商品系列: 旅行轉插頭 橫評

一般嘅 travel adapter 都包括左唔同國家通用嘅插腳，多數都有澳洲同內地都用得嘅呢款 2 腳扁斜頭、美國同日本用得嘅呢款 2 腳平扁、歐洲用得嘅呢款 2 腳圓形、同埋呢款同香港一樣、英國都用得嘅 3 腳。基本上大部分牌子都係就咁一舊 cube 咁樣，跟住可以推唔同嘅插腳出黎。只係 promini 同 anker 係分開唔同插腳嘅零件，要用邊個嘅時候先 cup 返上去，不過如果你一個旅行去幾個地方，去英國順便去埋歐洲，要用唔同腳嘅話就可能會相對麻煩小小，要另外帶多個頭喇；再者，你知啦，擺黎擺去，總會有機會唔見緊個頭。